Մաշկի խնամքի կանոններ, որոնց անհրաժեշտ է հետևել. 1in.am

Որոշակի կանոն, թե երբ է հարկավոր սկսել օգտվել տարիքի մասին վկայող anti-age նրբաքսուքնեերից, գոյություն չունի, գրում է elle.ru-ն: Գործել հարկավոր է իրավիճակից ելնելով, իսկ ավելի ճիշտ՝ կոսմետոլոգի խորհուրդներից ելնելով:

Կոսմետոլոգները խորհուրդ են տալիս նրբաքսուքի գնման ժամանակ առաջնորդվել ո՛չ միայն պիտակով, այլև սեփական մաշկի առանձնահատկություններով:

Առավոտյան հայելու դիմաց կանգնեք և ուշադիր նայեք ձեր դեմքին: Եթե ինչ-որ հատվածներում այն յուղոտ է, ինչ-որ տեղերում՝ չոր, ուրեմն ձեր մաշկը պատկանում է խառը տիպին: Եթե ամենուր մաշկը չոր է, ուրեմն ձեր դեմքի մաշկը չոր է, իսկ եթե դեմքն ամեն հատվածում յուղոտ է, ուրեմն մաշկը յուղոտ տիպին է պատկանում:

Եթե դրան գումարած՝ դեմքը կարմիր է, ու կան վառ արտահայտված կնճիռներ, ապա ճիշտ կլինի դիմել բժշկի, որը ձեզ համար կընտրի խնամքի համապատասխան միջոց:

Երկրորդ. մինչ նոր արտադրանքի օգտագործումն այն փորձեք ականջի հետևում ընկած հատվածի վրա: Լավ կլինի այն կիրառել քնելուց առաջ: Առավոտյան կկարողանաք գնահատել արդյունքը. եթե հայտնվի գրգրռվածություն կամ մաշկի չորություն, ապա նրբաքսուքը ձեզ համապատասխան չէ:

Երրորդ. հետևեք խնամքի միջոցների պահպանման կանոններին ու դրանք տեղավորեք ննջարանում՝ մուգ պահարանի մեջ: Եթե սենյակում ջերմաստիճանը գերազանցում է 30 աստիճանը, ապա կարող եք այն պահել սառնարանում:

Եվ վերջապես, նրբաքսուք, լոսյոն, տոնիկ կամ խնամքի այլ միջոց քսեք նախապես մաքրված դեմքին:

Խորհուրդ է տրվում հիշել մի քանի սովորական կանոններ.

1. նրբաքսուքը լավ է ներծծվում, երբ այն տաք է, այդ իսկ պատճառով նախ տաքացրեք ձեռքերը՝ շփելով ափերը, մատների ծայրով վերցրեք նրբաքսուքը, մի քիչ խաղացեք դրա հետ ու քսեք մաշկին:
   
   
2. Գիշերային նրբաքսուքները հարկավոր է քսել քնելուց 1-2 ժամ առաջ, իսկ ավելորդ նրբաքսուքը մաքրեք անձեռոցիկով: Հակառակ դեպքում դա կարող է առաջացնել այտուց ու պարկեր աչքի տակ:
   
   
3. Շրթունքի վերևի հատվածում, հոնքերի միջև ու քունքերին աշխատեք նրբաքսուք չքսել, այն կարող է խթանել մազերի աճը:

Հարցեր, պատասխաններ, մեկնաբանություններ